शब्द शब्द हे...........

शब्द शब्द हे हसवतात
शब्द शब्द हे रुसवतात
शब्द शब्दांमध्ये कधी
स्वतहा हि अडकतात

- संकेत
१२ ऑक्टोबर २०१२

आठवणीच्या असंख्य........गर्दीत

आठवणीच्या असंख्य
गर्दीत तुझी ठळक
आठवण आहे
हृदयाच्या कुपीत
त्या अनमोल क्षणांची
साठवण आहे

गोड सोनेरी क्षणांची
ती एक नाजूक साजूक
मैफिल आहे
प्रेमाच्या रंगीत छायेची
चित्रफित ती अपुली आहे

आठवणीच्या असंख्य
गर्दीत तुझी ठळक
आठवण आहे
.........

संकेत य पाटेकर
१७.०९.२०१२

नाही झेपत गर्दी ..........

पुरता वैतागलो आता
हि नाही झेपत गर्दी
सकाळ असो वा रात्र ,
ट्रेन ला असतेच नेहमीच गर्दी

झाले हाडे ठिसूळ आता
मन हि आता मरगळले
नको नको तो प्रवास आता
त्या गर्दीने मन ढासळले

जातो वाया वेळ कितीहा
एक एक लोकल सोडूनी
गर्दी नामक गर्दी ती
होते कुठे कमी ती

नाईलाज असतो शेवटी
गर्दीतूनच जावे लागते
ठाणे - अंधेरी प्रवास हा मोठा
लोकल ट्रेननेच करावे लागते

थकले भागले मन हे आता
हि नाही झेपत गर्दी
बघावीच लागेल आता
कुठे जवळपासच
नवी चांगली नोकरी

पुरता वैतागलो आता
हि नाही झेपत गर्दी
सकाळ असो वा रात्र ,
ट्रेनला असतेच नेहमीच गर्दी

- संकेत य पाटेकर
१९ ऑक्टोबर २०१२

आनंदाच्या क्षणी........

आनंदाच्या क्षणी दुख सारे पळून जातात ,
दुखाचे क्षण मात्र आनंद हिरावून घेतात .
जीवनाचे रंग हे असेच बदलत राहतात
कधी सुख कधी दुख
क्रमा क्रमाने येतंच राहतात
- संकेत
२५.१०.२०१२

मला वेड आहे .........

मला वेड आहे .................
रौद्र - भीषण अन काळ्या कातळ कड्यांनी नटलेल्या उंच खोल दरयांनी सजलेल्या
त्या सह्याद्रीचं

मला वेड आहे .................
इतिहासाचा अमुल्य ठेवा जपणारया आपल्या स्वराज्यातील गड-किल्ल्याचं

मला वेड आहे .................
निसर्गातील विविधरूपी नवंलाईच.....

मला वेड आहे .................
वाचनाचं....आपल्या वाचन संस्कृतीचं

मला वेड आहे .................
नात्यातल्या त्या गोड प्रेमाचं ...आणि त्या अनमोल क्षणाचं

मला वेड आहे .................
तुझं ...तुझ्यातल्या सप्त गुणाचं अन प्रेमळ मनाचं ...!!!!!!!!!!!!!!!!!!!!!


संकेत य पाटेकर
०८.०९.२०१२

भावना मनातल्या
कविता माझ्या !!

पाउस........

पाउस........

हवा हवासा वाटणारा पाउस ,
कधी कधी नकोसा वाटतो ,
ऑफिस ला निघतानाच हा
धो - धो का बरसतो ?

छत्री असते जवळ तरी
उपयोग तिचा काहीच नसतो
वाऱ्यासंगे डोलणारा पाउस
आपल्याच धुन्धीतच असतो

दिशा दिशा हा धुंडाळतो
पकडा पकडीचा खेळ जणू खेळतो
छत्री असो वा रेनकोट हा मात्र
पूर्णतः भिजवितो .

हवा हवासा वाटणारा पाउस ,
कधी कधी खरच नकोसा वाटतो ,
ऑफिस ला निघतानाच हा
धो - धो का बरसतो ?


संकेत य पाटेकर
०४.०७.२०१२

कल्पनेतली ती...

कल्पनेतली ती ...

ती म्हणजे गुलाबाची नाजुकशी पाकळी
ती म्हणजे हृदयातील स्पंदनाची साखळी
ती म्हणजे पावसाळ्यातल्या सरीतली एक सर
ती म्हणजे थंडीतल्या गारव्याची एक झळ

ती म्हणजे गायनातील एक स्वरबद्ध तरंग
ती म्हणजे मनातल्या भावनाचे विश्वरुपी अंग
ती म्हणजे श्वासो श्वासातला एक दीर्घ श्वास
ती म्हणजे कल्पनेतल्या विश्वाची एक प्रेमळ आस

ती म्हणजे समुद्रातुनी उटलेली लाटेवरची एक लाट
ती म्हणजे घाटावरची वेडी वाकडी वळणाची वाट
ती म्हणजे नजेरेशी लपंडाव खेळणारी एक नयनपरी
ती म्हणजे स्वप्नातली माझ्या एक स्वप्न सुंदरी

संकेत य पाटेकर
०३.०.०२०१२