शुक्रवार, १२ डिसेंबर, २०१४

कळे ना तुझ्यापुढे...

कळे ना तुझ्यापुढे
हे मनं कसे उलगडावे
मनातल्या भावनांना
शब्दातं कसे विणवावे

तू अबोल मी अबोल
अबोल हे क्षण सारे
सांग बरे मनातले हे
द्वंद्वं कसे मिटवावे


- संकेत
१२.१२.२०१४

शुक्रवार, २६ सप्टेंबर, २०१४

मी आनंदी आनंदी ..

काही कळेनास झालंय
मनं रमेनास झालंय
काय सांगू मी तुम्हाला
प्रेम आटतं चाललंय !

कुठे होते गोड क्षण
कुठे प्रेमाचे ते बोल
कुठे दिवस तो छान
आता ढगाळ ढगाळ !


आठवणीत आता सारे
क्षण झाले जायबंदी
आठवणीतच आता
मी आनंदी आनंदी ..!

भावना मनातल्या
कविता माझ्या !

संकेत य पाटेकर
२६.०९.२०१४

सोमवार, १५ सप्टेंबर, २०१४

त्या उंचउडल्या घारीसारखे ...

घराच्या चौकटी मधून म्हणा , किंव्हा रस्त्याने जाता येता म्हणा ..उंच निळ्या आकाशी 'घारी' घरट्या घालताना दिसत असतात ... तेंव्हा आपलं 'मन' हि कल्पकतेचे कल्पितपंख लावून उंच आकाशी झेपावते ...... त्या अर्थी हि माझी कविता ...

त्या उंचउडल्या घारीसारखे
स्वच्छंदी होवुनी विहरावे
ह्या निळ्याभोर नभांगातुनी
अवघे हे विश्व पहावे !

ते राकट-कणखर सह्यकडे ,
ते वेडे वाकडे घाट दरे,
ते रुप गोजिरे क्षितीजाचे
डोळ्यात साठुनी घ्यावे !

त्या उंचउडल्या घारीसारखे
स्वच्छंदी होवुनी विहरावे !

तो रंग हिरवा रानाचा
तो गंध सुमधुर पुष्पांचा
तो मंद झुळका वाऱ्याचा
श्वासात कोंडूनी घ्यावे !

त्या उंचउडल्या घारीसारखे
स्वच्छंदी होवुनी विहरावे

ते गीत अंतरी जगताचे
नर्तन वर्तन पाखरांचे
बैसुनी टोकावरति कुठे
हरखुनी त्यात निघावे !

त्या उंचउडल्या घारीसारखे
स्वच्छंदी होवुनी विहरावे
ह्या निळ्याभोर नभांगातुनी
अवघे हे  विश्व पहावे !

- संकेत य पाटेकर
१५.०९.२०१४

गुरुवार, २१ ऑगस्ट, २०१४

आधार..

जगण्याचे हे किती तर्हे ,
किती संघर्षाचे भीषण कडे ,
थकल्या मनाचं कुणा
कधी आधार हि होता येत. !

लहान होता येतं
लहानचं मोठ हि होता येतं
दर्दभरल्या ह्या जीवनात
कुणाचं 'आनंद' हि होता येतं !

- संकेत य पाटेकर
१२.०८.२०१४

काय हरकत आहे...

काय हरकत आहे ,
मनासारखं कुठे सगळंच कधी मिळतं
पण जे मिळत थोडं फार त्यात
आनंद मानून घेण्यास
काय हरकत आहे ?

प्रेम तर व्हायचंच, नातं जुळायचंच
मग अपेक्षांचं ओझ तरी का ?
जे अनपेक्षितपणे पदरात पडत
त्यातच समाधान व्यक्त करण्यास
काय हरकत आहे ?
- संकेत य पाटेकर
१२.०८.२०१४

बुधवार, १६ जुलै, २०१४

पाऊस वाट ...


धुंदमुंद पाउस , मन हि वेडेबावरे
वाटे' मुक्त ' होवुनी क्षणात चिंब न्हावे ,
धरली वाट एकट्याची , त्या वाटेवरी स्थिरावे
घेउनि थेंब टपोरे , आसमंत न्याहाळावे !

मेघांचे स्वर गाणे, लहरी गार वारे
सळसळाट पानांचा, मज अंगी भिनावे
पिउनि स्वरगीतं , होवुनी हर्षमुख ,
एक थेंब तो सरींचा ,मिसळूनी त्यात जावे !

गवतांच्या पात्यातुनी , मोत्यांची माळ वाहे ,
शेतात बांध जलाचा , खळखळाटुनि पहा वाहे ,
इवल्याश्या पाखरांची , ती नौका इवली तरंगे ,
खेळ तो अंतरीचा , मन बाळपनित रंगे !

कौलारू त्या छपरांचा , साज फार मोठा
अंगणात बघा त्या , सड सर पाघोळ्यांचा
मन भरून येई , फुलं झडून जाई ,
वाटेवरी त्या गंध वाहे फुलाचा !

वाटे हि वाट मातीची , वळण घेउनि जावे ,
चिखलातुनि माखुनी , मातीशी बंध जुळावे
उमटूनी ठसे पायांचे , मागे वळूनी पाहे ,
त्या गोड आठवणीना , हळूच ओंजळीत घ्यावे . !

जीवन हे असे हे , एकल्या वाटेचे
जुळुनी स्नेहबंध , पाय वाटे निघावे !

- संकेत पाटेकर
१६.०७.२०१४

शुक्रवार, २७ जून, २०१४

सह्याद्रीची साद नवी ....

तिने म्हटलं , आज तुला लिहायला मी एक विषय दिलाय
मी म्हटल हळूच मनात , विषयांचाच ' कोलाज' झालाय .

हा विषय तो विषय, विषय हे ना ना विविध ,
विचार करून करून साला डोक्याचाच पार भुगा झालाय ,

तरीही लिहावं म्हणावं काही तर मूड हि बेपत्ता झालाय ,
मन नावच अजब रसायन SET हून UPSET झालाय ,

पुन्हा आता सेट होण्यास मनाला थोडी उसंत हवी
शनिवार रविवार आलाच जवळ '' सह्याद्रीची साद नवी ....

- संकेत पाटेकर
२७.०६.२०१४

बुधवार, ११ जून, २०१४

फेसबुक कविता...कुणीतर असतं...

कुणीतर असतं...
आपल्या प्रोफाईलला आठवणीनं भेट देणारं,
आपल्या प्रत्येक पोस्टला न चुकता ' LIKE' करणारं ,
त्यावर मनापासून अगदी प्रेमानं COMMENT करणारं ,
तर कधी ...
लपून छपून का होईना ती पोस्ट हळूवार वाचणार ,
तर कधी अर्धवट वाचून PAGE नुसतंच वर खाली करणारं,
वेळेअभावी मग बघू असंही म्हणणारं
कुणीतर असतं...
कधी मनापासून आपलं कौतुक करणारं ,
प्रेमानं INBOX मधून मोकळेपणान संवाद साधणारं
कुणीतर असतं...
आपलं..आपल्याशी नातं जुळवून घेणारं
दूर दूर राहूनही अगदी हृदयाशी घर करणारं.
कुणीतर असतं...
- संकेत य. पाटेकर
११.०६.२०१४

शुक्रवार, ६ जून, २०१४

तिच्या प्रेमभरल्या एका स्वराने..

तिच्या प्रेमभरल्या एका स्वराने
मनात असंख्य ' आनंदी ' वलय निर्माण होतात .
वाटावं बोलतं रहावं अन बोलतं राहावं तिच्याशी
पण आपणच आखलेली हि 'बंधनं' आड येतात .

तरीही हे मन आनंदात बागडतं.
इवल्याश्या त्या क्षणाने का होईना अगदी भरभरून जातं
इतुका क्षण तो ? पण ते हि काही कमी आहे का ?
म्हणून आहे त्यातच समाधानी मानून घेतं.

संकेत य पाटेकर
०६.०५.२०१४

मंगळवार, १३ मे, २०१४

तुझ्या अश्या वागण्याचं...

तुझ्या अश्या वागण्याचं
कारणच कळत नाही
मी बोलत राहतो
तू काहीच बोलत नाही

संवाद होतो, तेवढ्यापुरतं
तेही माझ्याकडून , अगदीच फोनवरून
मीच एकटा बडबडतो
तू प्रतीसादच देत नाही
तुझ्या अश्या वागण्याचं
कारणच कळत नाही.

भेटावयाचं म्हणावं कधी
तर तू ' होय नाय 'म्हणत नाही .
वाट पाहतो वेड्यावाणी
तो ' क्षण' काही येत नाही .
तुझ्या अश्या वागण्याचं
कारणच कळत नाही.

मनातली हि वेडी आशा
अजूनही हार घेत नाही.
मी बोलत राहतो
तू काहीच बोलत नाही


संकेत य पाटेकर
१३.०५.२०१४

सोमवार, १२ मे, २०१४

प्रेम...,

' प्रेम ' हि अशी गोष्ट आहे ,
जी मागूनही कधी मिळत नाही .
ना जबरदस्तीने कुणाकडून कधी
हिसकावून हि घेता येत नाही .

अन ना कधी पैशाने विकत घेता येत
ना हि कधी ते कर्जाने मिळावे म्हणून
एखादी वस्तू गहाण ठेवता येत.

ते मिळतं ते फक्त आपलेपणातून
आपलेपणाच्या आंतरिक ओढीतून
मनातल्या निरागस इच्छेतून
परिमल शब्दातून ,
हृदयाच्या काळजीवाहू स्पंदनातून
मोकळ्या श्वासातून ,
अलगद कोमल स्पर्शातून
अन न तुटनारया अश्या अतूट विश्वासातून ..

प्रेम प्रेम अन प्रेम
हवं असतं तेंव्हा मागूनही मिळत नाही
अन न मागताच मिळत तेंव्हा आनंदाला
सीमाच उरत नाही .

संकेत उर्फ संकु
११.०५.२०१४

शुक्रवार, २५ एप्रिल, २०१४

चारोळ्या ...



मनगटावरचं घड्याळ सुद्धा
टिकटिक करत बजावतं
'वर्तमानात जगून घे रे'
नाहीतर 'श्वास ' बंद पडायचं
- संकेत
०६.०३.२०१६

______________________________________________________
______________________________________________________

मी लिहतो तसा असेनच
असे काही नाही..
पण लिहतो तसा जगण्याचा
प्रयत्न माझा राही.
- संकेत
______________________________________________________
______________________________________________________

मी हि कधी कुणावर प्रेम केलं होतं
मी हि मनाशी एक स्वप्नं जुळवलं होतं.
- संकेत
______________________________________________________
______________________________________________________

तुझ्या सारखी तूच सखे
तुझ्यविना ना कुणी दिसे
ना तुझ्यावाचून काही सुचे
तूच असे रे ध्यानी - मनी

तूच रे सखी साजनी...
- तुझाच - - संकेत
______________________________________________________
_____________________________________________________
प्रेम हे हंसरं असतं
प्रेम हे दुखण असतं
प्रेम असते मनाची ढाल
प्रेम असते मनाचीच एक चाल..
- संकेत
______________________________________________________
______________________________________________________
मौनांच्या धरुनी ज्वाळा
तिने पेटविल्या मशाली..
वेदनांचे उगाळूनिया अत्तर
त्याने धाडील्या प्रेमओळी ...
- संकेत
०५.०२.२०१६
______________________________________________________
______________________________________________________
तुझ्यावर काही लिहायचं नाही
असं मी मलाच बजावितो
अन आठ्वणींच दौत् ओलावून
नवं ओळी पुन्हा मिरवितो .
- संकेत
______________________________________________________
______________________________________________________
ती म्हणाली लिहत रहा...
तो म्हणाला बोलत रहा..
शब्द म्हणाले रागानेच
भावनांना हि मोकळं
सोडत जा...
- संकेत
______________________________________________________
______________________________________________________

कसं समजावं ह्या मनाला ...
ते माझं मुळीच ऐकत नाही .....
तुझ्यावाचून असे दूर जाणे
त्यास सहनच होत नाही .
- संकेत
______________________________________________________
______________________________________________________

सोनसळी आठवणी..
लागे बोलाया चालाया
दिन गुलाब गुलाब
प्रीत लागाली फुलाया …
- संकेत
______________________________________________________
______________________________________________________

कळे ना , कसे ह्या मनास थोपवावे ,
मुक्या भावनांना 'शब्दरूप' कैसे द्यावे
- संकेत
०२.०९.२०१५
______________________________________________________
______________________________________________________

मला अजूनही प्रश्न पडलाय
तिच्या होकार नकाराचा , 
त्यानेच उठलाय वादळ
ह्या हृदयी स्पंदनांचा 
- संकेत
______________________________________________________
______________________________________________________

दिवस ढळूनी जातो 
हाती 'बाकी' ठेवूनं काही... 
उद्या पुन्हा उजळीतो नव्याने 
नवं 'अधिक' घेऊनं  काही ..
- संकेत 

१७.०५.२०१५ 
______________________________________________________
______________________________________________________

आसवांत  ह्या माझ्या 
मी तुलाच भेटतो  गं ..
कड पापण्यांचा माझा   , 
मी तुलाच वाहतो गं ..
- संकेत 

०८.०४ .२०१५ 
______________________________________________________
______________________________________________________

तुझे रूपं पाहताना 
मी ओढावलो तुजपरी 
जैसे भ्रमराचे  गीतगाणे 
फुला फुलांच्या तटावरी (ताटव्यावरि) 
- संकेत 
०७.०४.२०१५ 
______________________________________________________
_______________________________________________________
अपेक्षांचे ओझे मी केंव्हाच झिडकारीले 
झिडकारीले मजला, माझेच  मनं  मारिले 
- संकेत 
०६.०४.२०१५ 
______________________________________________________
______________________________________________________
तुझे हास्यं फुलताना , 
मी हि मुक्त असा  उधळतो , 
माझ्या दु:खाचे  गाणे
मी क्षणभरात विसरतो ..
  - संकेत 
०६.०४.२०१५ 
______________________________________________________
______________________________________________________

ओंजळभर जरी मेल्यावरी
अश्रुथेंब  मी कमविले
मी म्हणेन तेंव्हाच
हे जीवन सार्थ जाहिले
- संकेत
२७.०३.२०१५
______________________________________________________
______________________________________________________
नको वाद - तंटा
नको कसला रोष
'माणूस' म्हणून जन्मलो
ह्याचा असू द्या होश
- संकेत
______________________________________________________
______________________________________________________
क्षणभर डोळ्यात आसवे जमावी
अन क्षणात हास्य मोहर उठावी
अशीच आठवण एक सुखाची
हृदयीस्थानी तुझ्या असावी.

कुठलही नातं असो ...एकमेकांच्या सहवासातले , एक एक क्षण असे जगावे , अश्या रंगात उधळूनि द्यावे कि त्याला कधीच मरण नसावं . म्हणायचचं झालं तर ...

आयुष्य जरी हे घटकाचे
ना मरण आठवणीला................
- संकेत उर्फ संकु
१९.०२.२०१५

______________________________________________________
______________________________________________________

सगळंच संपल आता
असं कधीतरी मनात येतं,
अन तितक्यात कुठूनतरी
आशेचं नवंकिरण दाखल होतं

असंच सहज सुचलेलं ..
-संकेत
०५.०२.२०१५


______________________________________________________
______________________________________________________

श्रीमंतीचा थाट नकोय
साधेपणाचचं जगणं हवं.
जीवनातल्या प्रवाहसंगे
हृदयी प्रेमं गीतं हवं
- संकेत
०९.०१.२०१५
______________________________________________________
______________________________________________________


कुणीच सोबत नसताना ,
हे 'विचार ' साथ देतात .
अन हळूच,' आठवणीतली'
माणसं भेटत जातात .
- संकेत उर्फ संकु .
२८ . १२ .२०१४
______________________________________________________
______________________________________________________

मनापासून हवी असलेली एखाद  गोष्ट अथवा जीवापाड असणारी एखाद  व्यक्ती , तिचा सहवास , तिचं प्रेम, मिळेनासं  झालं कि ' मीठा विना जसं जेवण अळणी'  तसंच काहीसं हे जीवन भासतं .
मग ह्या ओळी आपुसाकच ओठी उमळतात .

सगळं काही असूनही
नसल्यासारखंच भासतं .
गर्दीत असूनही 'मनाचा'
एकटेपणाचं जास्त...
- संकेत
१५.१२.२०१४
______________________________________________________
______________________________________________________

अबोलपणात हि माझे
'निशब्द' बोल बोले
घे  समजुनी अगं
माझ्या मनास थोडे !
- संकेत
०४.१२.२०१४
______________________________________________________
______________________________________________________


हरवलेल्या क्षणांना
सोनेरी झालर असते
चेहऱ्यावर हसू तर कधी
डोळ्यात आसू असते
- संकेत
०४.१२.२०१४
______________________________________________________
______________________________________________________

तुला समजण्याइतपतं
अग ! माझं मनं मोठ नाही
मायेभरल्या स्पर्शानचं , बघ
माझं 'मनं' लहान होई !
- संकेत
०४.१२.२०१४
______________________________________________________
______________________________________________________

प्रेमाच्या दुनियेत सगळंच 'क्षेम' असतं
ज्याचं 'मनं' खरंच 'आभाळाइतकं' थोर असतं.
मी माझा माझ्यापुरता अस त्याचं मुळीचं नसतं
साऱ्या जगाचं ते 'पालकत्व' स्वीकारत असतं.
०४.१२.२०१४
- संकेत
______________________________________________________
______________________________________________________


'शब्द' हि आता अपुरे पडतात.
मनातलं काही लिहावं तर
'भावना' हि ह्या माघार घेतात
शब्दात काही बोलावं तर
- संकेत
२८.११.२०१४
______________________________________________________
______________________________________________________

अजूनही हात थिटे पडतात .
काही देण्याच्या हेतूने
घेणाऱ्याचे हात पसरत राहतात
काही मिळनाच्या आशेने ..
- संकेत
२४.११.२०१४
______________________________________________________
______________________________________________________

प्रेमाचा गंध जिथे
सदान सदा दरवळे
हास्य- आनंदी मिलाफ
तिथे नित्य-नेहमी जुळेच जुळे !
- संकेत
२४.११.२०१४
______________________________________________________
______________________________________________________

बस्स आता ठरवलंय ,
निशब्दानेच बोलायचं
शांत राहून एकाकी ,
हर एकात मिसळायचं .
- संकेत
______________________________________________________
______________________________________________________

आठवणीच्या सरींमध्ये
पुरता मी भिजून जातो
अन ' प्रेमाचा ताप '
स्वतःच ओढावून घेतो .
- संकेत
०५.१०.२०१४
______________________________________________________
______________________________________________________

हल्ली तुझ्याशी बोलायला
शब्दच मला मिळत नाही ,
ते आले ओठावर तरी
तुझ्यापुढे सरत नाही.
- संकेत
०५.१०.२०१४
______________________________________________________
______________________________________________________

अपेक्षाविना मिळालेलं प्रेम ..निखळ आंनद देऊन जातं.
अन अपेक्षित असलेलं प्रेमं बऱ्याचदा निराशाच देऊन जातं.

प्रेमा शिवाय हासू नाही ,
प्रेमा शिवाय आसू नाही
प्रेमा शिवाय आपुलकीचा
भावगंध स्पर्श नाही
- संकेत
०३.१०.२०१४
______________________________________________________
______________________________________________________

कुणी काही म्हणो मला काय त्याचे ?
माझे जीवन गाणे माझ्या मनाचे
वेचीन शब्द ते योग्य अयोग्याचे
घडविण मजला जसे मडके कुंभाराचे

तुडवीन पायवाटा खडतर ह्या आयुष्याचे
फुलवुनी प्रेमगंध स्वर आनंदाचे
माझे जीवन गाणे माझ्या मनाचे !
- संकेत उर्फ संकु
२५.०४ .२०१४
______________________________________________________
______________________________________________________

देवालाही दया येते जेंव्हा
आशा आपण सोडत नाही
म्हणतो तो स्वतःशीच
जे मिळणार नाही ते दिल्याशिवाय
हा माघार काही घेणार नाही .
- संकेत उर्फ संकु
२८.०४.२०१४
______________________________________________________
______________________________________________________

कुणा सांगावे आज आहोत
उद्या कदाचित नसू
नाती जुळलीच आहेत
तर प्रेमानी ती जपू !
- संकेत उर्फ संकु
२८.०४.२०१४
______________________________________________________
______________________________________________________

नशिबातच जे प्रेम नाही
त्या प्रेमासाठी धडपडतो
मनातल्या भावनांना
सतत मी छळतो !
- संकेत उर्फ संकु
______________________________________________________
______________________________________________________

भेट घडूनिया
पुन्हा भेटघडूशी वाटते
तुझ्या प्रेमळ सहवासात
पुन्हा रमून जावेसे वाटते
- संकेत उर्फ संकु
______________________________________________________
______________________________________________________

कुणाला कल्पना हि नसते ,
कुणी कुणावर
किती प्रेम करत असते ,
कुणाच्या भेटीसाठी ,
शब्दांच्या प्रेमळ छायेसाठी ,
हे मन क्षणो क्षणी
किती विव्हळत असते .
- संकेत उर्फ संकु
______________________________________________________
______________________________________________________

कधी कधी विचार येतो
का कुणास इतके प्रेम करावे
का कुणाच्या वाटेवरती
मन स्वतःचे घुटमळूनि द्यावे
- संकेत उर्फ संकु
______________________________________________________
______________________________________________________

जे नसतं तेच हवं असतं
जे हवं असतं असतं
तेच मिळतं नसतं
मिळून सुद्धा काही गोष्टींच
मात्र अपुरेपण जाणत असतं
- संकेत उर्फ संकु
______________________________________________________
______________________________________________________

जे इतरांना मिळत नाही ,
ते मला सहज मिळून जातं,
तरी सुद्धा हे मन माझं,
दु:खाचच गुणगान गातं
- संकेत उर्फ संकु
०५.१२.१२
______________________________________________________
______________________________________________________

शब्द शब्द हे हसवतात
शब्द शब्द हे रुसवतात
शब्द शब्दांमध्ये कधी
स्वतहा हि अडकतात
- संकेत उर्फ संकु
______________________________________________________
______________________________________________________

आनंदाच्या क्षणी दुख सारे पळून जातात ,
दुखाचे क्षण मात्र आनंद हिरावून घेतात .
जीवनाचे रंग हे असेच बदलत राहतात
कधी सुख कधी दुख
क्रमा क्रमाने येतंच राहतात
- संकेत उर्फ संकु
______________________________________________________
______________________________________________________

जे दिसत तसं मुळीच नसतं
आपल मन नेहमीच फसतं
चूक काय बरोबर काय
समजलं तरी कळत नसतं
कळलं तरी उशिरा कळत
मन भावनेच्या अधिपत्याखाली
तोपर्यंत पूर्णतः जखडलेले असतं
- संकेत उर्फ संकु
२४ नोव्हेंबर
______________________________________________________
______________________________________________________

दुसऱ्यांचा विचार करण्यातच अर्धे आयुष्य
निघून जाते
स्वताहाचे पंख मात्र जमिनीवरच
फडफडत राहते
उडण्याची ताकद ती हळू वार
क्षीण होत जाते
आयुष्याच्या सुखाची व्याख्याच
बदलून जाते
- संकेत य पाटेकर
______________________________________________________
______________________________________________________

शनिवार, १९ एप्रिल, २०१४

देवा भेटू दे रे एखादी ... मनासारखी


देवा भेटू दे रे एखादी ...................... मनासारखी
लग्न : हा विषयच असा आहे कि एकदा आपण त्या वयाचे झालो कि घरातल्याना प्रश्न पडतो ...
कधी करतोयस रे बाबा लग्न ?
कर एकदाचे लगीन ..
.आम्ही वर पोहोचल्यावर करशील का ???

काय बोलायचं ह्या ह्यांना, आपल्या मनातले हाल ते जाणतच नाही ................
कुणी मनासारखी मिळाल्याशिवाय कस काय करणार लगीन ??
वर ना ना प्रश्न नि समस्या .....................
हुश्श ......................देवा देवा देवा

देवा भेटू दे रे एखादी
नाजूक साजूक गोरी गोरी
नाकात नथनी , नउवारीसाडी
मर्र्हाट मोळी शोभणारी
मराठी भाषिक असणारी
मराठीचा अभिमान बाळगनारी
मराठी अस्मिता जपणारी

गोड गोड हसणारी
गालातल्या गाळात रुसणारी
नटखटपनेत भाळनारी
साधी भोळी अन तितकीच
पेमळ मनाची ,मला शोभणारी

देवा भेटू दे रे एखादी
हृदयाशी संवाद साधणारी
मनातल धन जाणणारी
विचारांच्या भरगर्दीत
मला सामावून घेणारी

नातं जपणारी
मनापासून प्रेम करणारी
सर्वांच हित जपणारी
साधी भोळी तितकीच
स्पष्टवक्तेपणा जाणणारी

देवा भेटू दे रे एखादी
गोड हसरी ....जीवनभर सोबत , साथ देणारी .
भेटू दे लवकर .. :))))))

संकेत य पाटेकर
२४.११.२०१२

कसं समजावू ह्या मनाला ...


जुळलेल्या जिवलग नात्यापासून कितीही दूर राहण्याचा प्रयत्न करा .........
ते शक्य होत नाही ...........,,,
मन परत माघारी फिरतं... वळत त्याच वाटेकडे त्याच दिशेने ,,,पुन्हा ,....पुन्हा..

आठवणीतल्या अनमोल क्षणांच्या लयीत स्वतःच भान हरपत .....नव्या आशेने ...त्याच प्रेमाच्या ओढीने ..
शब्दमाळा गुंफत ...
खूप miss करतोय .........
खूप आठवण येतेय तुझी...........

कसं समजावू ह्या मनाला ...
ते माझं मुळीच ऐकत नाही .....
तुझ्यावाचून दूर जाणे
त्यास सहनच होत नाही .

मनातले काही ....
- संकेत
१२.०२.२०१४

बुधवार, १२ फेब्रुवारी, २०१४

तू का अशी वागतेस ?


काहीच कळत नाही .......तू का अशी वागतेस
काहीच उमजत नाही .....दूर का तू अशी जातेस
वेडी असते माया ............वेड असत प्रेम
प्रेमाच्या शब्दांना ...........तू का तोडू पाहतेस ..!!

काहीच कळत नाही .......तू का अशी वागतेस ...
विचारांच्या गर्दीत .........का गर्क राहतेस ?
वेड असत मन ............वेडी असते आशा
आशेच्या किरनेला .......तू का धिक्कारु पाहतेस
तू का अशी वागतेस

- संकेत य पाटेकर

खरचं एक बहिण असावी...


खरचं एक बहिण असावी
भरभरून प्रेम करणारी
मायेच्या अलगद स्पर्शाने
मनाला जपणारी !

खरचं एक बहिण असावी
भरभरून बोलणारी ,
शब्दांच्या स्वर सागरातून
मन तजेल करणारी

खरचं एक बहिण असावी
नटखटून रंगणारी
रंगाच्या विविधतेतून
हास्य रंग फुलवणारी

खरचं एक बहिण असावी
भरभरून प्रेम करणारी
सख्खी असो व नसो
नेहमीच पाठीशी
ठाम उभी राहणारी !


संकेत य पाटेकर
३० मे २०१३

सोमवार, ६ जानेवारी, २०१४

माणूसपण...


कुणी आपुलकीनं जवळ घेतं
कुणी प्रेमानं जवळ नेतं
कुणी शब्दांच्या धारेतून
ओल्या वेदनांच जखम देत .

कुणी ' मूर्खाच ' ग्रेड देत
कुणी 'ग्रेट ' म्हणुनी जातं
कुणी क्षणांच्या सोबतीनं
वेड्या मायेच छत देत .

कुणी वाह , कुणी शाब्बास
कुणी कौतुकाची थाप देतं
कुणी मूकपणाने हे सारे क्षण
नजरेत टिपून घेतं

कुणी जीवापाड प्रेम देत
कुणी प्रेमात हरवूनी नेतं
कुणी वेळेच्या संगतीनं
स्वतहाच बदलून जातं

क्षण हे असे , हास्याचे ,
दु:खाचे , प्रेमळ शब्दांचे ,
हळुवार स्पर्शाचे , मायेचे ,
नव्या उत्साहाचे ,
नव्या प्रेरणेचे ,
माणूसपण घडवून देत .

संकेत य पाटेकर
०६.०१.२०१४
सोमवार

भावना मनातल्या
कविता माझ्या !

'आपलेपणचा हुंदका' तेवढा सहज निघतो रे ...

सहजह 'आठवण' यावी असं काही नसतं रे 'आपलेपणचा हुंदका' तेवढा सहज निघतो रे ...! विसरत नाही बघ तसं कुणी कुणालाच असे 'हृद...